transpiratio, -onis, f. – Ausdünstung, Verdunstung: BVONAMICI mot p.793 repugnat enim valde calido condensatio, cùm eius propria sit raritas; ideò contingit, vt ex concretione suffocetur et intereat; quandò prohibetur eius transpiratio. BEECKMAN diar III p.7 (Sudor cum transpiratione confertur). Etsi enim sudor emanet in quiete, nonnunquam id fit per venas, non per insensibilem transpirationem tam abunde quam in quiete, ubi pori ob influentiam aliquam spirituum in exteriora magis patent. In somno igitur concoctio major quam sua transpiratio, in quiete vigili transpirationis proportio major est ad suam concoctionem. REGIVS-H phys p.220 Vaporosum excrementum est, quod instar vaporis aut fumi, tum per os, aliosque patentiores meatus, tum per poros cutis perpetuo excernitur. Hoc omnes sensibiles excretiones superat: ita ut si alimentum sumatur uno die ab libris octo, transpiratio insensibilis aut vaporosi excrementi soleat nonnumquam ascendere ad libras quinque.